കഴിഞ്ഞ ഞായര് ആഴ്ച ഇവിടെ എബിന അടുത്ത് ഒരു ജപ്പാനീസ് പെണ്കുട്ടി മോഹിനിയാട്ടം കളിക്കുന്നുണ്ട് എന്ന് ഒരു കൂട്ടുകാരന് വിളിച്ചു പറഞ്ഞു. എന്തായാലും വേറെ പരിപാടി ഒന്നും ഇല്ലാത്തതിനാലും മോഹിനിയാട്ടത്തില് ഞാന് ഒരു കിടു ആയതിനാലും ആ പെണ്കുട്ടിക്ക് വല്ല സംശയം ഉണ്ടെങ്കില് അതു തിര്ത്തേക്കം എന്നും കരുതി അങ്ങോട്ട് പോവാന് തീരുമാനിച്ചു. ഒറ്റക്ക് പോവാന് മടിയയതുകൊണ്ട് വേറെ രണ്ട് ഫ്രണ്ട്സ്നിയും വിളിച്ചു വരുത്തി. അവരാണ് ഷൈബുവും രാജേഷും ( അവര്ക്കും തരക്കേടില്ലതെ മോഹിനിയാട്ടം അറിയാം:) )
അങ്ങനെ ഞായര് വന്നെത്തി . ഉച്ചക്ക് മുന്നരക്കാണ് മോഹിനിയാട്ടം തുടങ്ങുക. ഞങ്ങള് ഒരു 12:30 ആയപ്പോള് യാത്ര തുടങ്ങി. അറ്റ്സുഗി വരെ ഉള്ള വഴിയേ അറിയൂ. അവിടെ അറ്റ്സുഗി cultural centeril ആണ് പ്രൊഗ്രാം എന്നും അറിയാം.. എന്തായാലും എബിന എത്തിയിട്ട് അവ്ടെ നിന്നും ചൊദിച്ചു ചോദിച്ചു പോകാം എന്നു തീരുമാനിച്ചു.
ഒരുമണിക്കൂറിനുള്ളില് അറ്റ്സുഗി എത്തി. റെയില്വേ സ്റ്റേഷന് പുറത്തു ഇറങ്ങി. ഇനി കള്ചറല് സെന്റര് കണ്ട്പിടിക്കണം . ഉം നോക്കാം..... ചുറ്റും നോക്കിയപ്പോള് ഒരു മാപ്പ് ഇരിക്കുന്നത് കണ്ട്. ഹോ ഇനി എല്ലാം ഈസി ആണ്.. ഞങ്ങള് മാപ്പിന്റെ അടുത്തേക്ക് പോയി... പക്ഷെ അതില് സ്ഥലപേര് മുഴുവന് ജാപ്പനീസിലാണ് എഴുതിയിരിക്കുന്നത്.. വീണ്ടും പ്രശ്നമായി.. ടാക്സി വിളിച്ചാലോ എന്ന് ആലോചിച്ചു.. പക്ഷെ ഈ സ്ഥലം വെല്ല 10km അപ്പുറത്താണേങ്കില് കീശകീറിപോക്കും .. അപ്പോള് പിന്നെ നടക്കാന് എന്ന് തീരുമാനിച്ചു.. പക്ഷെ എങ്ങോട്ട് ? ഇന്നണേങ്കില് ഷൈബു വടക്കുനോക്കിയന്ത്രം എടുത്തില്ല , അതികാരണം ദിശനോക്കാനും പറ്റില്ല... മോഹിനിയാട്ടം എന്താവുമോആവോ ? അങ്ങനെ ഞങ്ങള് ടോട്ടല് കണ്ഫ്യൂഷ്ന് ആയി മാപ്പിലേക്കും റൊഡിലേക്കും മാറി മാറിനോക്കുകൊണ്ട് നില്ക്കുകയാണ്...
“കാന് ഐ ഹെല് പ് യൂ.... ?“ പുറകില് നിന്നും ഒരുവിളി.. ഒരു ജപ്പാന്കാരന്. കണ്ടിട്ട് ഒരു 45 വയ്സ് തോന്നുന്നുണ്ട്. പുള്ളി ഒന്നും കൂടിചോദിച്ചു “കാന് ഐ ഹെല്പ് യൂ”?
യെസ് , ഒരു നൂറിവട്ടം യെസ്. എന്നു നമ്മളും
"we want to go to atsugi cultural center." , do you know where it is ?
മൂപ്പര് ഒരു അഞ്ചുമിനിറ്റ് വെയിറ്റ് ചെയ്യാന് പറഞ്ഞിട്ട് അപ്പുറത്തെ കടയില് പോയി എന്തോ ചോദിക്കുന്നതു കണ്ടു.. ഞങ്ങള് ഭയങ്കര ഹാപ്പിയായി.. നാടായാല് ഇങ്ങനെ വേണം. എന്തോരു ഭവ്യത , എന്തൊരു വിനയം. അങ്ങേര് തിരിച്ചു വന്നുപറഞ്ഞു , അറ്റ്സുഗി കള്ചറല് സെന്റെര് എന്ന് പേര് ഉണ്ട്ങ്കിലും അത് അറ്റ്സുഗിയില് അല്ല , അത് എബിനയില് ആണ് . നീങ്ങള് ആദ്യം എബിനയീലേക്ക് പോണം.
ഞാന് കാണിച്ചുതരാം .. ഫോളോ മീ.
ശരി എന്നാല് പിന്നെ അങ്ങോട്ട് പോയെക്കം എന്ന് കരുതി അങ്ങെരുടെ പിന്നാലെ നടന്നു (ഓടി). അങ്ങനെ എബിന എത്തി.. അയാള് വീണ്ടും ഒരൂ ഫോളോ മീ പറഞ്ഞു. എബിന സ്റ്റേഷനു പുറത്തു കടന്നു. അങ്ങേര് നേരെ പോലീസ് സ്റ്റേഷനിലേക്ക് വിടുകയാണ്.
ഈശ്വരാ. ഇനി ഞങ്ങളെ കുടുക്കാനുള്ള വല്ല ഉദ്ധേശം ആണോ ? ഈ കള്ചറല് സെന്റ്ര് എന്നു പറയുന്നത് വെല്ല കുഴപ്പം പിടിച്ച സ്ഥലം ആകുമോ ? അങ്ങനെ പോലീസ് സ്റ്റേഷന് എത്തി . അങ്ങേര് പോലീസുകാരനോട് എന്തിരക്കയോ ജാപ്പനീസില് കാച്ചിവിടുന്നുണ്ട് . ഞങ്ങള് മുഖത്തോട് മുഖം നോക്കീ. അടി കിട്ടുമോ , എയ് ഇല്ല.
അയാള് പോലീസുകാരനോടുള്ള കൂടിയലോചനക്ക് ശേഷം പറഞ്ഞു , അറ്റ്സുഗി കള്ചരല് സെന്റര് ഇവിടെനിന്നും 10 മിനിറ്റ് നടക്കണം , ഞാന് കാണിച്ച് തരാം , ഗയ്സ് ഫോളോ മീ.. ഇപ്രാവശ്യം ആ ഫോളോ മീയില് എന്തോ ഒരു കാഞ്ചി മിസ്റ്റേക്ക് ( അഥവാ സ്പെല്ലിഗ് മിസ്റ്റേക്ക് ) എനിക്ക് തോന്നി.. എന്തായാലും ഇവിടം വരെ വന്നതല്ലെ ഒന്നു പോയിനോക്കാം , മോഹിനിയട്ടതിന്റെ അവസാനം ഭാഗമെങ്കിലും കാണാന് കഴിഞ്ഞാലോ.
അങ്ങേര് അറ്റ്സുഗി കള്ചറല് സെന്റര് ലക്ഷ്യമാക്കി കുതിച്ചു. ഞങ്ങളും അങ്ങെരുടെ പിറകേ നടന്നു. അവസാനം ഒരു ബില്ഡിങ്ങ് കാണിച്ചിട്ട് അങ്ങേര് പറഞ്ഞൂ “ഇതാണ് അറ്റ്സുഗി കള്ചറല് സെന്റ്ര്. “. ഒടനെ ഞങ്ങള് അങ്ങെര്ക്ക് ഒരു നന്ദി പ്രാകാശിപ്പിച്ചു.
ഓകെ സീയു , എന്നും പറഞ്ഞ് അങ്ങേര് സ്കൂട്ടായി.. ഞങ്ങള്ല് ബില്ഡിഗിന്റെ ഉള്ളിലെക്കും കയറി.
അവിടെ മോഹിനായട്ടത്തിന്റെ ഒരു ശബ്ദവും കേള്ക്കുന്നില്ല. മാത്രമല്ല വേറെ ആരെയും കാണുനില്ല. ഇനി ചിലപ്പോള് മോഹിനിയാട്ടം മുകളിലെ നിലയില് എങ്ങാനും ആയാലോ ? എന്തായലും റിസ്പഷനില് ഒരുചേച്ചി ഇരിക്കുന്നുണ്ട് . അവരോട് അറിയവുംന്ന ജാപ്പനീസില് ചോദിച്ചു. ഇവിടെ അല്ലെ ഈ മോഹിനിയാട്ടത്തിന്റെ പരിപാടി നടക്കുന്നത് ,
അവര് അന്തം വിട്ട കുന്തം പോലെ നില്ക്കുകയാണ് , എന്ത് മോഹിനിയാട്ടമോ ? എന്താണത് .
അത് അത് മോഹിനിയട്ടം ഒരു ഡാന്സ് ആണ് , ഇന്ഡോ ഡാന്സ്.. അത് ഇവിടെ ഇന്ന് ഉണ്ട്ന്ന് കേട്ടു . ഇവിടെ ഡാന്സ് ഒന്നുമില്ല , ഇവിടെ ഇന്നു കിമോണോടെ തയ്യല് പരിശീലനം ആണ്. നിങ്ങള്ക്ക് സ്ഥലം മാറിയതാവും എന്ന് ആ ചേച്ചി പറഞ്ഞു. ഓ അങ്ങനെ ആണൊ , എന്നാല് ഞങ്ങള് പോണു എന്ന് പറഞ്ഞ് ഞങ്ങാള് പുറത്തെക്ക് ഇറങ്ങി.( കിമോണോ തയ്യല് പടിച്ചാല് നല്ല ഒരു കൈതൊഴിലായേനെ. , ഒന്നുമിലെങ്കിലും ഒന്നുരണ്ടു കിമോണൊ ത്യ്ച്ചു വിറ്റാല് കുറച്ചു കാശ് തടയും )
അങ്ങനെ മോഹിനിയാട്ടം കാണാനുള്ള മോഹം വെറും മൊഹം ആയി.. അല്ലെങ്കിലും കണ്ടത് മനോഹരം , കാണാത്തത് അതിമനോഹരം എന്നാണല്ലൊ. തിരിച്ചു പോകുന്ന വഴിക്ക് വീണ്ടും ആ വഴികാട്ടിയെ കണ്ടപ്പോള് ഒന്നും കൂടി ഒരു താങ്ക്സ് പറയാന് മറന്നില്ല.. അല്ലെങ്കിലും ഇത്രയും നന്നായി ആര്ക്കെങ്കിലും വഴിതെറ്റികാന് പറ്റുമോ ? ( എന്തായലും അദ്ധേഹത്തിന്റെ സഹായിക്കാനുള്ള മനസിനെ ഞാന് മാനിക്കുന്നു )
Subscribe to:
Post Comments (Atom)
1 comment:
ഒരു മോഹിനിയാട്ടം കാണാന് പോയ കഥ.
Post a Comment